कोंकणी - पड रे पावसा - यत्ता दुसरी

पड रे पावसा हे कवितेंत भुरगीं पावसाची खूब आतूरतायेन वाट पळयतात. पावस वेळ करिनासतना येवचो म्हूण माणकुलीं भुरगीं कविता गायत पावसाक आपयतात. 

पड रे पावसा पड रे पड

झड रे पावसा झड रे झड

शेतकार तुजी पळयता वाट

कुपाचो काळोख कर रे दाट

खेळ आमचो खेळपाक यो

नाच आमचो नाचपाक यो

खेळपाक तुका शेत आसा

भात पिकोवपाक जोत आसा

धोल वाजय वीज नाचय

जमीन भिजय कणीस पिकय

झणझण झणझण मारता वारो

घो घो घो घो पावस बरो.

आदारावळ

व्हिडियो संकल्पना - राहुल पोळेकर

व्हिडियो संपादन - राहुल पोळेकर

निवेदन - राहुल पोळेकर, शिक्षक, निराकार मुळावी शाळा, दापट, माशें

गायक - सहाना धुरी, किशन भिसे, दित्या शिरवयकार, वेदा सिनाय खांडेपारकार, वरद देसाय, आर्यमन रायकार

संगीत - शेन फेर्नांडीस

आदार - दिनेश वेळीप, लक्ष्मण नायक

कोंकणी भाशा मंडळ, गोंयची निर्मणी